ين ذكاء الكادمية و غباء عدنان ؟؟؟؟؟؟

البارح القصة الي صارت في التسميات و الي سالو فيها عدنان مين يحب يكون نوميني ايمان او اسماء عكست حاجتين

اولا انو ادارة الاكادمية مصرة الحاحا على استنساخ قصة السنة الي فاتت بين امل من المغرب و مروى من تونس يعني هوما حبو يبداو قصة اخرى تشغل الجمهور و الا فانو ما فما اي داعي تبقى ايمان لحد الان في الاكادمي لانها و رغم انها تونسية و بنت بلادي من اضعف الموجودين و الايفال متاعها كان فاشل و كان من المفروض تكون نوميني مع اثنين من النموني الحاليين لكن اصرار المخرجين على صنع حكاية خلى الاساتذة يضطرو لابقاء ايمان اسبوع اخر في الاكادمية لعل الله يفرجها و تصير القصة الي يحبو عليها

ثانيا اجابة عدننا اكدت الغباء الي كنت نشوفو فيه لانو و بكل بساطة كان قادر يجاوب بكل ديبلوماسية و ذكاء و حكمة و يقول مثلا انو اسماء صديقتو الحميمة و ايمان اخت عزيزة و الي هو ما يقدرش يسمي وحدة منهم نوميني من غير ما يؤذي شعور هاذي او تلك
و انا نتذكر السنة الي فاتت لما سالو احمد داوود نفس السؤال قال انا اتمنى انا اكون نوميني و لا اني اختار واحد من اصحابي يعني بتفكير بسيط و اجابة مدروسة كانت قادرة تغير برشا اراء يا عدنان حولك لكنك للاسف ظهرت موش حكيم